الیگزینڈر تھرسٹن یونیورسٹی آف سنسناٹی کے شعبۂ سیاسیات میں ایسوسی ایٹ پروفیسر ہیں۔ اس سے قبل وہ جارج ٹاؤن یونیورسٹی اور میامی یونیورسٹی میں تدریسی خدمات انجام دے چکے ہیں۔ ان کا علمی اختصاص شمال مغربی افریقہ میں اسلام اور سیاست کے باہمی تعلق سے ہے، خاص طور پر بیسویں اور اکیسویں صدی کے تناظر میں۔ ڈاکٹر تھرسٹن نے نارتھ ویسٹرن یونیورسٹی سے مطالعۂ مذہب میں پی ایچ ڈی کی سند حاصل کی، جبکہ جارج ٹاؤن یونیورسٹی سے علوم عربیہ میں ایم اے کیا۔ ان کی حالیہ تصانیف میں "شمالی افریقہ اور ساحل کے جہادی: مقامی سیاست اور مسلح گروہ” (کیمبرج یونیورسٹی پریس، ۲۰۲۰ء)، "بوکو حرام: ایک افریقی جہادی تحریک کی تاریخ” (پرنسٹن یونیورسٹی پریس، ۲۰۱۸ء)، اور "نائجیریا میں سلفیت: اسلام، تبلیغ اور سیاست” (کیمبرج یونیورسٹی پریس، ۲۰۱۶ء) شامل ہیں۔