ایاد ہلال نے امام محمد بن سعود یونیورسٹی، ریاض کی کلیۃ الشریعہ سے اسلامی فقہ اور اسلامی قانونی نظریے میں ماسٹر کی ڈگری حاصل کی۔ وہ تین دہائیوں سے زائد عرصے سے اسلامی قانون اور اصولِ فقہ کے مختلف موضوعات پر تدریس و تحقیق سے وابستہ ہیں۔ ان کی تصانیف میں المعاہدات الدولیۃ فی الشریعۃ الاسلامیۃ (اسلامی شریعت میں بین الاقوامی معاہدات، ۱۹۹۱ء)، اصولِ فقہ کے تحقیقی مباحث، اور ابحاث السنۃ النبویۃ (سنتِ نبویؐ کے تحقیقی مباحث) شامل ہیں۔ مؤخر الذکر تصنیف اس وقت زیرِ طبع ہے۔ ان کے بیشتر لیکچرز، خطبات اور ویڈیو سلسلے الارقم انسٹی ٹیوٹ کے یوٹیوب اور فیس بُک صفحات پر دستیاب ہیں۔