رمزی بارود امریکی فلسطینی صحافی، میڈیا مشیر، مصنف، اور بین الاقوامی سطح پر شائع ہونے والے کالم نگار ہیں۔ وہ فلسطین کرانیکل کے مدیر ہیں، جہاں وہ ۱۹۹۹ء سے خدمات انجام دے رہے ہیں۔ اس کے علاوہ وہ لندن میں مڈل ایسٹ آئی کے سابق مینیجنگ ایڈیٹر، دی برونائی ٹائمز کے سابق ایڈیٹر اِن چیف، اور الجزیرہ ڈاٹ نیٹ انگلش کے سابق ڈپٹی مینیجنگ ایڈیٹر بھی رہ چکے ہیں۔ انھوں نے آسٹریلیا کی کرٹن یونیورسٹی آف ٹیکنالوجی کے ملائیشیا کیمپس میں ابلاغِ عامہ کی تدریس کی، اور الجزیرہ ڈاٹ نیٹ انگلش کے شعبۂ تحقیق و تجزیہ کی سربراہی بھی کی۔ ڈاکٹر بارود چھ کتابوں کے مصنف ہیں اور متعدد کتابوں میں شریکِ تصنیف و معاون قلم کار کی حیثیت سے بھی حصہ لے چکے ہیں۔ ان کی تازہ ترین کتاب، جو ایلان پاپے کے ساتھ مشترکہ طور پر مرتب کی گئی، آزادی کے لیے ہمارا وژن: فلسطینی رہنما اور دانشور بولتے ہیں ہے۔ ان کی کتابیں فرانسیسی، ترکی، عربی، کورین، اور ملیالم سمیت متعدد زبانوں میں ترجمہ ہو چکی ہیں۔ انھوں نے یونیورسٹی آف ایکسیٹر سے فلسطین اسٹڈیز میں ڈاکٹریٹ کی ڈگری حاصل کی (۲۰۱۵ء)، اور ۲۰۱۶ء سے ۲۰۱۷ء تک یونیورسٹی آف کیلیفورنیا، سانتا باربرا کے اورفیلیا سنٹر فار گلوبل اینڈ انٹرنیشنل اسٹڈیز میں غیر مقیم اسکالر رہے۔ اس وقت وہ استنبول زعیم یونیورسٹی کے سنٹر فار اسلام اینڈ گلوبل افیئرز میں غیر مقیم سینئر ریسرچ فیلو ہیں۔